[prenta uppsett í dálka] 63. fundur, 128. lþ.
Karl V. Matthíasson:
Herra forseti. Ég vil byrja á því að þakka hv. þm. Einari K. Guðfinnssyni fyrir að koma með þessa fyrirspurn sem minnir á það að við þurfum að taka til hendinni á þessu sviði í sambandi við áfengis- og fíkniefnamálin. Reyndar er áfengi líka fíkniefni og vímugjafi.
Ég fagna líka því að hæstv. heilbrrh. hefur áhuga á málinu en það er svo sem ekki komið langt á veg. Hæstv. ráðherra talar um að senn sé á leiðinni maður að utan til þess að taka þátt í að móta þessa stefnu. Ég leyfi mér að benda á að hér á landi er töluvert mikil þekking á þessu sviði og það hefur náðst mjög góður árangur hjá t.d. SÁÁ, og tel ég alveg einsýnt að innlendir aðilar hljóti að koma að þessu máli líka.
