[prenta uppsett í dálka] 66. fundur, 128. lþ.
Iðnaðarráðherra (Valgerður Sverrisdóttir) (andsvar):
Hæstv. forseti. Það er nefnilega þannig að það á að reisa risaálver og þess vegna þarf mikla orku. Það vill svo vel til að hana er að hafa á Austurlandi með gerð Kárahnjúkavirkjunar og um þetta snýst nú þetta mál sem við erum hér að fjalla um.
Um álit hv. þingmanns á orkumálastjóra get ég svo sem ekkert sagt en ég get sagt honum það að ég hef mikið álit á þeim manni og hef átt við hann mjög gott samstarf þannig að ég geri með það sem hann segir.
Um rammaáætlun er það að segja almennt að við erum að fikra okkur áfram við það að meta virkjunarkosti út frá ýmsum sjónarhornum. Við höfum ekki klárað þá vinnu en okkur miðar í rétta átt. Ég tel að þau drög sem kynnt hafa verið séu að mörgu leyti rétt og mikils virði en hins vegar höfum við ekkert leyst gátuna.
