[prenta uppsett í dálka] 73. fundur, 128. lþ.
Karl V. Matthíasson:
Herra forseti. Hæstv. ráðherra iðnaðarmála og byggðamála tók það fram áðan að fólk hefði mikinn áhuga á að starfa á Akureyri ef störf væru í boði. Þetta er alveg rétt. En þetta gildir um alla landsbyggðina. Væru t.d. ný störf í boði á Ísafirði eða Bolungarvík þá mundi fólk sækja um þau störf. Ég vil benda á það við þessa umræðu.
Hins vegar er ljóst að störf í sambandi við fjarvinnslu hafa ekki komist á legg. Ég tel það vera af þeirri ástæðu einfaldlega, herra forseti, að ekki hefur verið nógu mikill raunverulegur áhugi fyrir því í stjórnsýslunni hér á þessu svæði.
