[prenta uppsett í dálka] 73. fundur, 128. lþ.
Drífa Hjartardóttir:
Herra forseti. Aðeins bara til upplýsingar. Ég var að koma af fundi velferðarnefndar í Norðurlandaráði í gærkvöldi. Ég á sæti í velferðarnefndinni og þar eru þessi mál mjög til umræðu, einmitt um rétt fólks þegar það flytur milli landa, þ.e. hvort það eigi að ganga undir það almannatryggingakerfi sem er í viðkomandi landi eða hvort það geti flutt með sér sinn áunna rétt. Í þessu máli er engin niðurstaða komin. Mjög skiptar skoðanir eru um það hvort fólk eigi ekki bara að gangast undir það sem er í því landi sem það flytur til. Ég vildi bara geta þess að þetta er mikið til umræðu í Norðurlandaráði núna þessa dagana.
