[prenta uppsett í dálka] 86. fundur, 128. lþ.
Kolbrún Halldórsdóttir:
Virðulegur forseti. Atvinnumálastefna ríkisstjórnarinnar sem birtist í þessu frv. sem hér er afgreitt eftir 2. umr. er með þeim hætti að skömm er að. Stefnan ber vott um fádæma hugmyndafátækt sem á endanum dæmir Fjarðabyggð til þeirrar afplánunar að sitja uppi sem einhæft iðnaðarsvæði í atvinnulegu tilliti. Slík örlög eru sannarlega á skjön við þá atvinnumöguleika sem ósnortin náttúra og ímynd Íslands bjóða upp á. Slík atvinnustefna skaðar beinlínis orðspor þjóðarinnar og ímynd og getur á endanum orðið til mikils skaða fyrir hagsmuni okkar þegar til framtíðar er litið.
Hér er verið að leggja grunn að því að Ísland verði eitt stærsta álútflutningsríki í Evrópu og komi til með að blása meiri mengunarefnum út í loftið en öll norska þjóðin gerir með allri sinni starfsemi.
Herra forseti. Stefna af þessu tagi er glapræði. Ég segi nei.
