[prenta uppsett í dálka] 99. fundur, 128. lþ.
Jón Bjarnason:
Herra forseti. Hafnir, flugvellir og vegir eru flokkuð í svokallað grunnnet. Í grunnneti flugvalla eru allir þeir flugvellir sem nú er skipulagt áætlunarflug til nema tveir, flugvöllurinn á Gjögri og flugvöllurinn á Vopnafirði. Herra forseti. Ég tel allar forsendur fyrir því að þessir flugvellir fari inn í grunnnet flugvallakerfisins og tillaga mín gengur út á það að flugvöllurinn á Gjögri og flugvöllurinn á Vopnafirði verði hluti af grunnneti flugvalla í landinu.
