![](http://www.althingi.is/myndir/althlit.gif)
Örlygur Hnefill Jónsson:
Herra forseti. Hér er vakin athygli á máli sem er mjög brýnt og þarf að taka á. Ég veit að hæstv. heilbrrh. gerir sér grein fyrir alvöru þessa máls. Víða eru stofnanir í vandræðum með þessi mál og það er rétt sem fram kom hjá hv. 3. þm. Suðurl., Margréti Frímannsdóttur, að stofnanir stefna í þrot. Þær væru komnar í þrot, margar hverjar, ef sveitarfélögin hefðu ekki tekið þennan bagga á sig og bera þau þó ærnar byrðar fyrir. Eins og fram kom hjá hv. 8. þm. Reykv., Guðmundi Hallvarðssyni, er tímabært að þessu verði mætt á fjárlögum. Hér er um mjög alvarlegt mál að ræða sem brennur á þeim sem eiga að nota þjónustuna, þeim sem veita hana og þeim sveitarfélögum sem tekið hafa upp baggann fyrir ríkisstjórnina.