[prenta uppsett í dálka] 19. fundur, 128. lþ.
Árni Steinar Jóhannsson (andsvar):
Virðulegi forseti. Það er ósköp einfalt. Sveitarfélögin heima fyrir, sjávarbyggðirnar og stjórn þeirra ráða því sem í þeirra hlut kemur samkvæmt okkar tillögum og þriðjungur fer á markað. Þannig er það.
Það sem ég sagði var að ég teldi að uppboðsleið á öllum veiðiheimildum mundi hafa svipaðar eða álíka afleiðingar og fiskveiðistjórnarkerfið sem við vinnum eftir í dag. Svo einfalt er það. Það mun leiða til samþjöppunar og áfram leiða til fækkunar og stækkunar fyrirtækja. Ég er þeirrar skoðunar og þess vegna höfum við keyrt inn á byggðatenginguna sem grunnvörn sjávarbyggða um allt land.
