![](http://www.althingi.is/myndir/althlit.gif)
Guðjón A. Kristjánsson (andsvar):
Herra forseti. Í lok andsvars síns gat hv. þm. um rétt byggðanna til að krefjast veiðiréttar og öryggis. Það er rétt að draga það fram að þegar við vorum að ræða í gær þáltill. um túnfiskveiðar hafði Ísland búið sér til rök til að sækja þann rétt. Hver voru þau? Þau voru svona, með leyfi forseta:
,,Á vettvangi ráðsins hefur Ísland ítrekað lýst óánægju með núverandi skiptingu veiðiheimilda, sem eingöngu byggist á veiðireynslu og gefur Íslandi þannig engan veiðirétt.``
Herra forseti. Mætti ekki yfirfæra þetta á hverja einustu byggð í landinu sem hefur farið halloka út úr þessu veiðikerfi? Ég hæli sjútvrh. fyrir að hafa fundið þessi rök.