[prenta uppsett í dálka] 20. fundur, 128. lþ.
Karl V. Matthíasson (andsvar):
Herra forseti. Ég þakka hæstv. ráðherra fyrir svörin sem hún gaf hér áðan. Ástæðan fyrir því hve vextir eru háir hér er sú, að því er mér skildist á ráðherranum, hvað efnahagskerfið er lítið og að ekki er hægt að bera efnahagskerfið hér saman við efnahagskerfið í Japan og það er náttúrlega alveg rétt. En ég var nú bara að benda á að bankarnir fengju fjármagn frá útlöndum á lágum vöxtum og lánuðu það svo á mjög háum. Er þá vandamálið krónan í þessu tilliti og seðlabankakerfið allt hjá okkur?
Því spyr ég ráðherrann hvort hún telji að vextir mundu lækka á Íslandi og verðbætur afnemast ef við tækjum upp evruna.
