Karl V. Matthíasson:
Herra forseti. Ég þakka hæstv. forsrh. fyrir svörin. Ég vona að það sé þannig að bankarnir séu að taka sig á í þessum efnum. Það er alveg ljóst samkvæmt þessum tölum sem ég tel vera ábyggilegar að staðan er mjög slæm. Ég minni á að fyrir þinginu liggur einmitt frv. um ábyrgðarmenn á lánum þar sem gert er ráð fyrr því að góðar og gildar reglur séu um það hverjir eiga að skrifa upp á lán og hverjir ekki. Helst er miðað við að það sé ekki gert almennt heldur að til viðskiptanna sé stofnað á forsendum viðskiptanna sjálfra, svo að ég orði það þannig, frekar en á þeim forsendum að einhver annar skrifi upp á fyrirtæki sem verið er að fara í.