[prenta uppsett í dálka] 36. fundur, 128. lþ.
Kolbrún Halldórsdóttir (andsvar):
Herra forseti. Ég vil einungis fagna því sem hæstv. ráðherra segir að nú sjái fyrir endann á endurbyggingarmálum eða viðhaldsmálum Þjóðminjasafnsins og lýsi mig fullkomlega reiðubúna til þess að taka þátt í þeim lokahnykk sem þarf til að setja á það mál. Ég verð að lýsa því yfir að ég hlakka mikið til að fá að heyra það úr munni hæstv. ráðherra hvenær Þjóðminjasafnið verður opnað.
