![](http://www.althingi.is/myndir/althlit.gif)
Forseti (Halldór Blöndal):
Þess er að geta að samkomulag er um það milli forseta og formanna þingflokka að þingflokksfundir verði með styttra móti í dag, standi frá kl. hálffimm til hálfsex, eða í klukkustund. Stefnt er að því að ljúka 2. umr. um fjárlög á þessum þingdegi svo að til kvöldfundar getur komið. Ekki er þó gert ráð fyrir kvöldverðarhléi á fundinum. Atkvæðagreiðsla um fjárlög er fyrirhuguð á morgun kl. tvö.
Atkvæðagreiðslur verða á þessum fundi kl. hálftvö, að loknu hádegishléi, um 1.--3. dagskrármál, þar á meðal um fjáraukalög. Jafnframt verður að minna þingmenn á að atkvæðagreiðslur geta orðið síðdegis um afbrigði svo sem títt er við fjárlagaafgreiðslu.