![](http://www.althingi.is/myndir/althlit.gif)
Frsm. 1. minni hluta fjárln. (Gísli S. Einarsson) (andsvar):
Virðulegur forseti. Heyrði ég það virkilega rétt að hv. formaður fjárln. væri að undirrita það hér að efnahagsstjórn á undanförnum árum hefði verið mjög slæleg? Ég bendi hv. þingmönnum á að hér hefur verið allt að 70 milljarða kr. viðskiptahalli á undanförnum árum. Það næst í jafnvægi, hvað fylgir með? Atvinnuleysi í stórum stíl. Og hvað fylgir með? Það sem ég nefndi áðan og er upp á hundruð millj. Hvar eru 300 millj. sem búið er að semja um að nota til flutninga á stríðstímum? Hvar er það í fjárlagafrv. sem á að nota fyrir íslensku flugfélögin til að flytja einhvern varning, ótilgreindan? Hvar eru tillögurnar sem varða Fjórðungssjúkrahúsið á Akureyri? Þær vantar líka inn.