![](http://www.althingi.is/myndir/althlit.gif)
Heilbrigðisráðherra (Jón Kristjánsson):
Herra forseti. Ég þakka hv. fyrirspyrjanda fyrirspurnina. Sjónarmið hans verða tekin til greina í þeirri umræðu sem ég gat um og fer fram á okkar vegum. Ég efast ekki um að samtök psoriasis-sjúklinga muni koma sjónarmiðum sínum að í þeirri vinnu sem stendur yfir.
Ég vil aðeins geta þess að ég tel mikla möguleikar í Bláa lóninu fyrir meðferð psoriasis-sjúklinga. Þar höfum við verið að skoða með þeim aðilum mjög metnaðarfull áform um stækkun göngudeildar. Við erum vel meðvituð um það í ráðuneytinu hvaða möguleikar er þar fyrir hendi og hvernig starfsemin þar hefur þróast. Ég held að það sé einn af möguleikunum í íslenskri heilbrigðisþjónustu, að efla þá starfsemi. Vonandi getum við komið málum þannig fyrir.
Að öðru leyti skírskota ég til þess starfs sem er í gangi. Ég á von á tillögum nefndarinnar og mun þá fara nánar yfir þetta mál.