Guðjón A. Kristjánsson:
Virðulegi forseti. Ég vil taka undir þau tilmæli hv. þm. Steingríms J. Sigfússonar sem hóf þessa umræðu að fjmrh. gefi fullnægjandi skýringar á því hvernig þessum málum er háttað. Ég minnist þess ekki, hæstv. forseti, að sú staða hafi komið upp áður hér á landi að sveitarfélögum hafi ekki borist skattgreiðslur vegna erlendra starfsmanna sem vinna hér á landi og því er hér um nokkurt nýmæli að ræða. Ég minnist þess ekki að þetta hafi komið fyrir áður. Það er eðlilegt að fjmrh. gefi okkur nákvæmar skýringar á því hvernig á þessu einstaka máli standi. (Landbrh.: Hann er ekki hér.) Ég sé það.