![](http://www.althingi.is/myndir/althlit.gif)
Forseti (Halldór Blöndal):
Borist hefur svohljóðandi bréf frá formanni þingflokks sjálfstæðismanna, Einari K. Guðfinnssyni, dagsett 23. febrúar:
,,Þar sem Davíð Oddsson forsætisráðherra, 2. þm. Reykv. n., er erlendis í opinberum erindum og getur því ekki sótt þingfundi næstu tvær vikur óska ég eftir því, með vísan til 2. mgr. 53. gr. þingskapa, að 1. varamaður á lista Sjálfstfl. í kjördæminu, Ásta Möller, taki sæti hans á Alþingi á meðan.``
Ásta Möller hefur áður tekið sæti á Alþingi og er boðin velkomin til starfa.
Þá hefur borist svohljóðandi bréf frá formanni þingflokks Samf., Margréti Frímannsdóttur, dagsett 23. febrúar:
,,Þar sem Katrín Júlíusdóttir, 9. þm. Suðurkjördæmis, getur ekki sótt þingfundi á næstunni vegna veikinda óska ég eftir því, með vísan til 2. mgr. 53. gr. þingskapa, að 2. varamaður á lista Samf. í Suðvesturkjödæmi, Valdimar L. Friðriksson, taki sæti hennar á Alþingi á meðan, en 1. varamaður á listanum situr nú á Alþingi.``
Valdimar L. Friðriksson hefur áður tekið sæti á Alþingi og er boðinn velkominn til starfa á ný. Um leið læt ég í ljós þá ósk fyrir hönd þingheims að Katrín megi fljótlega komast til fullrar heilsu.