![](http://www.althingi.is/myndir/althlit.gif)
Heilbrigðisráðherra (Jón Kristjánsson):
Herra forseti. Ég verð að segja alveg eins og er að þessi málatilbúnaður kemur mér dálítið á óvart vegna þess að ég sé ekki betur en að hv. 10. þm. Suðurk. sé að verja þann verðmun sem er á Íslandi í lyfjamálum. Það kemur mér mjög á óvart að fá þessa umræðu. Þegar verið er að lækka álagninguna til að minnka þennan 15% mun á dýrasta markaðssvæði í heimi kemur hv. þm. og finnur því allt til foráttu að verið sé að lækka álagninguna á lyfjum. (Gripið fram í.) Það er mjög sérkennilegt að fá þessar trakteringar hér, ég verð að segja það, og úr þessari átt.