![](http://www.althingi.is/myndir/althlit.gif)
Ögmundur Jónasson:
Hæstv. forseti. Meginástæða fyrir því að þingflokkur Vinstri hreyfingarinnar -- græns framboðs styður frv. er sú að stefnt er að því að gera innheimtu á erfðafjárskatti markvissari, en fyrst og fremst vegna þess að horfið er frá því að skattleggja eignir, þar á meðal hlutafé, á nafnvirði en þess í stað skulu eignirnar metnar á markaðsvirði.
Þessi breyting mun vega upp á móti tekjutapi ríkissjóðs sem ella hefði orðið en á því byggðist fyrst og fremst gagnrýni okkar við 1. umr. um frv. Við munum standa sameiginlega með Samf. að tillögum um að undanþiggja líknarfélög og menningarstofnanir erfðafjárskattinum.