Ögmundur Jónasson (andsvar):
Hæstv. forseti. Þetta eru engir ímyndaðir óvinir. Ég er að vísa í hagsmunaaðila á borð við Verslunarráð Íslands sem berst fyrir því af alefli að grunnþjónustan í samfélaginu verði einkavædd og markaðsvædd. Þetta eru bara staðreyndir. Og það er líka staðreynd að á vettvangi Evrópusambandsins er tekist mjög harkalega á um stefnuna í þessum málum núna. Þar eru annars vegar samtök atvinnurekenda og systur- eða bróðursamtök Verslunarráðsins og aðilar af því tagi sem þrýsta mjög á um einkavæðingu þessarar þjónustu. Hins vegar er verkalýðshreyfingin sem stendur vaktina. Sama mynstur er hér uppi. Við vitum í Vinstri hreyfingunni -- grænu framboði í hvorum hópnum við erum.