Fjármálaráðherra (Geir H. Haarde) (andsvar):
Herra forseti. Það er þannig að þetta mál er þannig úr garði gert að reynt er að koma í veg fyrir að Vegagerðin missi tekjur af þessu. Þess vegna er færð á milli úr almenna bensíngjaldinu yfir í hið sérstaka gjald sem er tengt Vegagerðinni, upphæð sem nemur um það bil 400 milljónum. En ríkissjóður bætir sér það upp með þessum nýjum tekjum af virðisaukaskatti sem verða til í þessu kerfi. Þar með má því segja að ríkissjóður hafi efni á því að láta af hendi rakna til þess að bæta Vegagerðinni upp það sem ella hefði tapast.