![](http://www.althingi.is/myndir/althlit.gif)
Forseti (Guðmundur Árni Stefánsson):
Borist hafa þrjú bréf um fjarvistir þingmanna. Hið fyrsta er frá hv. 4. þm. Norðvest., Einari K. Guðfinnssyni, dagsett 14. apríl og hljóðar svo:
,,Þar sem ég er á förum til útlanda í opinberum erindum og get því ekki sótt þingfundi næstu tvær vikur óska ég eftir því, með vísan til 2. mgr. 53. gr. þingskapa, að 1. varamaður lista Sjálfstfl. í Norðaust., Guðjón Guðmundsson, Akranesi, taki sæti mitt á Alþingi á meðan.
Virðingarfyllst,
Einar K. Guðfinnsson, 4. þm. Norðvest.``
Annað bréf frá hv. 6. þm. Suðurk., Hjálmari Árnasyni, dagsett 14. apríl, er svohljóðandi:
,,Þar sem ég er á förum til útlanda í opinberum erindum og get ekki sótt þingfundi á næstu tveimur vikum óska ég eftir því, með vísan til 2. mgr. 53. gr. þingskapa, að 1. varamaður lista Framsfl. í Suðurk., Ísólfur Gylfi Pálmason sveitarstjóri, taki sæti mitt á Alþingi á meðan.``
Undir bréfið ritar Hjálmar Árnason, 6. þm. Suðurk.
Guðjón Guðmundsson og Ísólfur Gylfi Pálmason hafa áður setið á Alþingi og eru boðnir velkomnir til starfa.
Þriðja bréfið sem borist hefur er frá 3. þm. Norðaust., Kristjáni L. Möller, og hljóðar svo:
,,Þar sem ég er á förum til útlanda í opinberum erindum og get því ekki sótt þingfundi næstu tvær vikur óska ég eftir því, með vísan til 2. mgr. 53. gr. þingskapa, að 1. varamaður á lista Samf. í Norðaust., Lára Stefánsdóttir framkvæmdastjóri Akureyri, taki sæti mitt á Alþingi á meðan.
Kristján Möller, 3. þm. Norðaust.``
Kjörbréf Láru Stefánsdóttur hefur verið rannsakað og samþykkt en hún hefur ekki tekið sæti á Alþingi fyrr og ber því að undirskrifa drengskaparheit að stjórnarskránni.