Arnbjörg Sveinsdóttir (andsvar):
Hæstv. forseti. Ég vil eingöngu þakka góðar undirtektir hæstv. félmrh. Ég vil jafnframt segja frá því að í þeim stjórnum fyrirtækja sem ég hef setið hef ég sérstaklega beitt mér fyrir því að menn taki upp það vinnuferli að setja sér jafnréttisáætlanir. Það er gjarnan gert í starfsmannaáætlun sem fyrirtæki setja sér. Ég held að menn læri smátt og smátt að vinna eftir þessum lögum þegar þetta er komið í reglubundna starfsmannaáætlun þeirra. Hugarfarið og viðhorfið breytist því jafnt og þétt. Ég þakka hæstv. félmrh. fyrir að taka undir mál mitt.