![](http://www.althingi.is/myndir/althlit.gif)
Utanríkisráðherra (Halldór Ásgrímsson) (andsvar):
Herra forseti. Í þessum samningum er verið að auka ábyrgð og reyna að ná fram meiri samræmingu á milli landa. Hér er hins vegar um mjög flókið mál að ræða og eðlilegt að hv. þingmaður beri fram ýmsar spurningar í því sambandi. Ég hygg þó, herra forseti, að miklu heppilegra sé að við yfirferð málsins í utanrmn. verði gerð grein fyrir þeim atriðum sem hv. þm. kom hér inn á. Ég vildi óska eftir því að starfsmenn utanrrn. og samgrn. kæmu á fund nefndarinnar og gerðu betur grein fyrir þessu, m.a. til að svara þeim spurningum sem hv. þm. lagði hér fram.