[prenta uppsett í dálka] 104. fundur, 130. lþ.
Sigurjón Þórðarson:
Herra forseti. Ég vil byrja á að þakka fyrirspyrjanda fyrir að hreyfa mjög mikilvægu máli. Hæstv. ráðherra nefnir að hann ætli að fara að endurmeta reglurnar sem gilda um þessa flutninga. Ég held að full þörf sé á því. En fróðlegt væri að heyra hvað hann hefur til grundvallar. Eru það erlendir staðlar?
Nú vitum við að slys sem verða í svona göngum geta orðið mjög hræðileg og þess vegna er eins gott að hafa allan varann á og hafa mjög strangar reglur um alla flutninga um þessi göng.
