Magnús Stefánsson (andsvar):
Hæstv. forseti. Hv. þm. Mörður Árnason og reyndar fleiri sem hafa rætt hér málin af hálfu Samf. hafa rætt um skýrslu sem kom út árið 1996. Sú skýrsla fjallaði um Ríkisútvarpið, stöðu þess á fjölmiðlamarkaði og var þar lítillega komið inn á eignarhald á fjölmiðlum. Það sem rekur mig í andsvar við hv. þingmann er að ég vil leiðrétta í máli hans það sem hann sagði um að Páll Magnússon, aðstoðarmaður iðn.- og viðskrh., hefði átt sæti í nefndinni. Það er bara ekki rétt því að Páll Magnússon sem sat í þessari nefnd var þáverandi sjónvarpsstjóri Stöðvar 2 og starfar nú hjá Norðurljósum. Bara að þetta komi fram hér sem leiðrétting.