![](http://www.althingi.is/myndir/althlit.gif)
Páll Magnússon:
Herra forseti. Hv. þm. heldur því hér fram að við í Framsfl. tökum við skýrum fyrirmælum frá hæstv. forsrh. (Gripið fram í.) Mér finnst það þungar sakir og mjög ómálefnalegt og ódýr málflutningur. En það kemur auðvitað ekki á óvart að forustumaður Samfylkingarinnar forðist málefnalegar umræður og forðist að svara þeim spurningum (Gripið fram í: Er þetta málefnalegur ...?) sem ég lagði fyrir hann.
Ég vil ítreka, herra forseti, að formaður Samfylkingarinnar leggst afar lágt þegar hann bregst við andsvari mínu í þessari umræðu og heldur því fram að Framsfl. hafi ekki vilja í málinu og taki við einhvers konar fyrirskipunum úr forsrn. (Gripið fram í.)