Halldór Blöndal (andsvar):
Hæstv. forseti. Það kemur fram í viðtali við Jón Ásgeir Jóhannesson forstjóra Baugs, eins og ég hef rakið hér áður, að það sé mjög góður fjárfestingarkostur að eiga hlutafé í Stöð 2 og hann talar um að þeir hyggist reka fyrirtækið með svo góðum árangri að það skili á næstu 2--3 árum 300--400 millj. í sparnað. (Gripið fram í.) Ég skil ekki hvernig hv. þm. getur fundið það út að það bendi til þess að störf hjá þessu fyrirtæki séu í hættu þó að aðrir fjárfestar komi að. Ég skil heldur ekki (Gripið fram í.) þegar hv. þm. heldur því fram að starfsmenn Ríkisútvarpsins séu ekki heiðarlegir í fréttaflutningi sínum.