![](http://www.althingi.is/myndir/althlit.gif)
Halldór Blöndal (andsvar):
Hæstv. forseti. Eins og ég sagði áðan hafði hv. þm., og áður fyrir nokkrum dögum hv. 7. þm. Reykv. s., Mörður Árnason, haldið því fram að í skýrslunni kæmi ekki fram að nefndin teldi löggjöf æskilega. Ég hef hér vitnað í þau ummæli þar sem sérstaklega er vakin athygli á því, og ég vil enn fremur benda hv. þm. á það sem segir í því nefndaráliti um samkeppnislögin. Það er því alveg ljóst að skýrsluhöfundar telja að samkeppnislögin dugi ekki. Ef menn vilja vitna í skýrslur er það góður háttur að reyna að láta koma fram aðalatriði skýrslunnar. Það hafa menn lært t.d. sem hafa verið blaðamenn og aðrir þeir sem vilja gera þriðja aðila grein fyrir því sem stendur í plöggum sem sá þriðji aðili hefur ekki sjálfur í höndunum.