![](http://www.althingi.is/myndir/althlit.gif)
Össur Skarphéðinsson (andsvar):
Herra forseti. Hv. þm. hefur gert að umræðuefni það viðhorf sem ég hef reifað til úrræða samkeppnislaga til að taka á markaðsráðandi fyrirtækjum sem verða uppvís að því að brjóta ítrekað af sér með því að misnota aðstöðu sína. Hv. þm. hefur sakað mig um að skipa fyrirtækjum í flokka, að ég vilji ekki láta hið sama gilda um fjölmiðlafyrirtæki og um fyrirtæki í matvælarekstri. Ég hef sagt að ég telji að samkeppnislög eigi að duga til að ná yfir slíkt hjá fjölmiðlafyrirtækjum. Mig langar til að spyrja hv. þm.: Telur hann að samkeppnislög feli ekki í sér möguleika Samkeppnisráðs til þess að brjóta upp fyrirtæki ef þau brjóta af sér?