[prenta uppsett í dálka] 108. fundur, 130. lþ.
Dagný Jónsdóttir (andsvar):
Herra forseti. Ég er ekki í minnsta vafa um að þetta frv. muni ekki koma í veg fyrir þá gleðilegu fjölbreytni sem ríkir núna á fjölmiðlamarkaði á Íslandi. Tilgangur frv. er að koma í veg fyrir óæskilegar afleiðingar þeirrar samþjöppunar sem þegar er orðin, og orðið getur í framtíðinni. Það er einmitt tilgangur okkar.
Eins og ég segi eru ekki nema 3--4 mánuðir síðan fjölmiðlarisinn mikli varð til sem þingmönnum hefur orðið tíðrætt um í kvöld þannig að ég hef enga ástæðu til að ætla að þessi fjölbreytni muni minnka.
