[prenta uppsett í dálka] 108. fundur, 130. lþ.
Dagný Jónsdóttir (andsvar):
Herra forseti. Fyrir mér er þetta mjög skýrt. Við erum að tryggja fjölbreytni til framtíðar en koma í veg fyrir hina óæskilegu samþjöppun. Þetta er ekkert flóknara en það. Ég held að hv. þm. Magnús Þór Hafsteinsson hafi dálítið opinberað sig í umræðum áðan þegar hann fór að tala um barnastöðina Latabæ og hann sagðist sjálfur ekki skilja fullkomlega umræðuna um þau leyfi. Ég verð bara að segja við hv. þingmann að þetta er mjög skýrt. Markmið okkar er að tryggja fjölbreytnina og ég held að það muni koma glöggt í ljós þegar til framtíðar er litið.
