Drífa Hjartardóttir (andsvar):
Hæstv. forseti. Ég vil mótmæla því að neytendur hafi ekki notið þess hvernig mjólkurbúin eru rekin. Það verður að líta til þess að á meðan vörur hafa hækkað mjög mikið í verði í landinu --- að undanförnu kannski ekki mjög mikið en töluvert --- þá hækkaði mjólkurverð ekki neitt. Frá afurðastöðvunum hækkaði ekki um krónu um síðustu áramót þannig að þar er núll, hv. þm. Neytendur hljóta því að hafa hagnast af því.