Lúðvík Bergvinsson (andsvar):
Virðulegi forseti. Ég vil aðeins hnykkja á einu atriði sem vekur ugg í brjósti manna, að eftir 13 ára valdatíð og jafnvel á köflum þeirrar valdatíðar hefur hæstv. forsrh. náð því að vera kallaður landsfaðir, skuli hann með þeim hætti, með þessum vinnubrögðum kljúfa þjóðina í herðar niður í jafnalvarlegu máli og umræðu um lýðræðið, hvernig það er praktíserað og hvernig skipulagi fjölmiðla sem skipta miklu um lýðræðið er háttað. Slíkar spurningar standa eftir í mínum huga. En vandinn við þessa umræðu er sá að það vill enginn stjórnarliði koma í umræðuna til þess að upplýsa okkur stjórnarandstöðuþingmenn á hvaða ferðalagi ríkisstjórnin er. Þess vegna verður þetta alltaf einsleit umræða, því miður.