Einar Karl Haraldsson (andsvar):
Hæstv. forseti. Ég hef ekki verið á þingi í allan vetur. Ég kom hér inn sem varamaður. Samt tókst mér að verða þess áskynja að Samf. lagði hér fram tillögur um gegnsæi í fjölmiðlun, sjálfstæði ritstjórna og vernd heimildarmanna. Ég veit ekki hvort hv. þm. Gunnar Birgisson hefur verið ýkja mikið meira á þingi en ég í vetur en ég hef a.m.k. fylgst með þessari umræðu. Ég hef ekki séð hann fyrr í þessari umræðu hér.
Ég hef heyrt og lagt fram margar tillögur sem eru verðar umhugsunar og væru þess virði að við sætum yfir því í sumar og fram á næsta vetur að móta almenn, skynsamleg fjölmiðlalög sem yrðu til gagns fyrir allan almenning á Íslandi og fjölmiðlana sjálfa.