Björgvin G. Sigurðsson:
Herra forseti. Dagurinn í dag er svartur dagur í íslenskri fjölmiðlasögu. Í fyrsta sinn í lýðveldissögunni er prentfrelsið skert á Íslandi með því að skilgreindir aðilar megi ekki eiga í prentmiðli. Lagasetningin er fráleit og hún vegur að mannréttindum Íslendinga um tjáningarfrelsi og frjálsa fjölmiðlun. Lagasetningin er sértæk og tilgangur hennar sá að knésetja fyrirtækið Norðurljós vegna óbeitar ráðamanna á stærsta hluthafa fyrirtækisins og innihaldi miðla þess. Útkoman er ritskoðun og skert prentfrelsi. Þjóðin ber skaðann, höft á tjáningarfrelsinu sem ekki á sinn líka á Vesturlöndum. Ég segi nei.