[prenta uppsett í dálka] 123. fundur, 130. lþ.
Jónína Bjartmarz:
Herra forseti. Ég styð hið yfirlýsta markmið þessa frv. Ég studdi framlagningu frv. og mér þótti einsýnt að það tæki breytingum í meðförum þingsins. Ég hef staðið að og stutt þær grundvallarbreytingar sem á frv. hafa verið gerðar. Ég er þó ekki sannfærð um að frv. í þeirri breyttu mynd standist gagnvart stjórnarskránni og ég á ekki annan kost, herra forseti, en að láta stjórnarskrána njóta vafans. Þess vegna, herra forseti, get ég ekki stutt frv. og greiði því ekki atkvæði mitt.
