Rannveig Guðmundsdóttir:
Virðulegi forseti. Þess vegna höfum við valið að bera okkur saman við Norðurlöndin og Ísland toppar í verðsamanburði ásamt Noregi sem fylgir fast á eftir.
Vegna orða hæstv. forsrh. um landbúnaðarvörurnar: Já, vissulega er það svo að frá 1996, þegar vísitalan var sett á 100 í öllum Norðurlöndunum, hafa landbúnaðarvörurnar aðeins farið upp 118,8 stig, árið 2002 meðtalið, á meðan allar aðrar matvörur eru komnar upp í 126,5 stig. Það er algjörlega óásættanlegt að á sama tíma og krónan hefur verið að styrkjast og erlendur gjaldmiðill orðið ódýari skuli matvara hafa hækkað um 26,5 stig hjá okkur á meðan það land sem næst kemur á eftir frá 1996 hefur ekki farið nema í 113 stig. Þetta eru staðreyndir fengnar frá Hagstofunni og þær er ekki hægt að rengja. Þessu verðum við að breyta.