![](http://www.althingi.is/myndir/althlit.gif)
Forsætisráðherra (Davíð Oddsson) (andsvar):
Herra forseti. Þessi ræða vekur athygli vegna þess að hún er nýlunda á þessum vettvangi. Hún mundi vekja athygli með sama hætti og kafli í minni ræðu á landsfundi Sjálfstfl. þar sem ég lýsti því yfir að við ætluðum að hækka tekjuskatt, hækka virðisaukaskatt og fleira í þeim dúr mundi auðvitað vekja athygli. Menn mundu segja að þar væri alger nýlunda á ferðinni, að formaður Sjálfstfl. væri að boða skattahækkanir á öllum sviðum. Það er af þessum ástæðum sem þessi ræða vakti athygli, að menn fóru yfir á nýjar slóðir og töluðu með allt öðrum hætti en ýmsir hv. myndarlegir þingmenn hafa iðulega talað hér í salnum á undanförnum árum.