Fjármálaráðherra (Geir H. Haarde) (andsvar):
Herra forseti. Ég hygg að taka megi undir flest af því sem fram kom í máli hv. þm. en ég vildi undirstrika að þau atriði sem hann nefndi lúta fremur að heildarstefnumótun varðandi framtíð Áfengis- og tóbaksverslunar ríkisins. Þetta frv. lýtur hins vegar að lágmarksbreytingum sem nauðsynlegar og óhjákvæmilegar eru í tilefni af athugasemdum frá Eftirlitsstofnun EFTA.
Hitt málið er miklu stærra. Á því er ekki tekið í þessu frv. Það skal vissulega viðurkennt.