Guðrún Ögmundsdóttir:
Virðulegur forseti. Ég vil gera örstutta grein út á hvað tillagan gengur. Hún gengur út á það að stytta þann tíma sem einkaleyfi er veitt og er jafnvel í samræmi við greinargerð frá ráðuneytinu sjálfu, en þar segir: ,,Jafnframt er rétt að benda á að hugsanlega getur þurft að stytta leyfisveitinguna ef breyta þarf skipan happdrættismála hér á landi.``
Þetta er í rauninni í anda þeirra hugmynda og þeirra umræðna sem hafa verið um þetta mál og ég tel það vera skynsemi að greiða atkvæði með þessu.