[prenta uppsett í dálka] 44. fundur, 130. lþ.
Ögmundur Jónasson (andsvar):
Herra forseti. Ég óska eftir því að ráðherrann upplýsi okkur betur um í hverju höfnun verkalýðshreyfingarinnar fólst. Fólst samráð ríkisstjórnarinnar í því að kynna verkalýðshreyfingunni ákvörðun ríkisstjórnarinnar um að ráðast að fiskverkunarfólki og skerða atvinnuleysisbætur því til handa eða í hverju fólst tilboð ríkisstjórnarinnar? Við erum að tala um frv. sem snertir starfsöryggi og lífskjör fiskvinnslufólks á Íslandi. Í hverju fólst tilboð ríkisstjórnarinnar um samráð við verkalýðshreyfinguna? Hverju hafnaði verkalýðshreyfingin?
