Félagsmálaráðherra (Árni Magnússon) (andsvar):
Hæstv. forseti. Flestum spurningum hv. þm. Marðar Árnasonar hefur þegar verið svarað við þessa umræðu.
Hvað varðar hins vegar þau orð mín, sem hv. þm. gerir að umtalsefni, að nokkur grunur leiki á að sum fyrirtækjanna hafi litið á það sem sjálfsagðan hlut í rekstri sínum að sækja um greiðslur úr sjóðnum meðan flest þeirra hafi kosið að sækja í hann í samræmi við tilgang laganna, er það að segja að þessi ályktun, hæstv. forseti, er dregin af því að með auknu eftirliti Vinnumálastofnunar með framkvæmd laganna á undanförnum missirum hefur það gerst að ásókn í þessar greiðslur hefur minnkað að nokkrum mun.