Ögmundur Jónasson (um atkvæðagreiðslu):
Herra forseti. Eðlilegast og heppilegast væri að þetta frv. verði dregið til baka á þessu stigi málsins. Hér er um að ræða lög sem byggja á þríhliða samkomulagi verkalýðshreyfingar, atvinnurekenda og ríkisvalds og í sjálfu sér stríðir þetta gegn kjarasamningum ef frv. verður að lögum. Lágmarkskrafa er að leitað verði eftir samkomulagi og samráði við verkalýðshreyfinguna um þetta frv. Í trausti þess að það verði gert, greiðum við í Vinstri hreyfingunni -- grænu framboði atkvæði með því að málið gangi til 2. umr.