Grétar Mar Jónsson (andsvar):
Hæstv. þingforseti. Hv. þm. Einar Oddur Kristjánsson skal ekki að reikna með því að Frjálslyndi flokkurinn sé týndur. Hann á eftir að finna vel fyrir okkur, bæði nú og í næstu framtíð.
Ívilnun er eitt, byggðakvóti er annað og tegundatilfærsla er það þriðja. Þetta er allt í sama frumvarpinu. Það hlýtur að gefa augaleið að menn koma með tillögur um aðra hluti í þetta frv. líka, breytingar, tilfærslur og annað.
Frjálslyndi flokkurinn vill að aukategundir fari úr kvóta, langa, keila, skötuselur og helst ufsi og ýsa. Þá fyrst værum við að styrkja byggðirnar í landinu og gefa fólki smá von á nýjan leik.
En það er eitt sem mig langar í restina að spyrja þig að, hv. þm. Einar Oddur: Viltu botn í dagabátana?
(Forseti (BÁ): Forseti bendir þingmönnum á að ávarpa annaðhvort forseta eða þingheim en ekki einstaka þingmenn.)