Frsm. meiri hluta sjútvn. (Kristinn H. Gunnarsson) (andsvar):
Herra forseti. Það á að fara eftir þeim báðum. Það er eðlilegt. Í fyrsta lagi varðandi 16%. Þar er kveðið á um það hversu miklu menn mega landa umfram aflamarkið í hverri veiðiferð. Í öðru lagi vísar seinni tilvitnunin til þess að ráðherra er heimilt að setja hámark á það magn sem þannig er heimilt að veiða umfram aflamark, en það er átt við heildina hjá öllum þeim sem njóta ákvæðisins en ekki einstaka útgerðarmenn.