Guðjón Ólafur Jónsson (andsvar):
Hæstv. forseti. Sú spurning sem ég lagði fyrir hv. þm. var afskaplega einföld: Hvað telur hv. þm. að formaður stjórnmálaflokks, sem ekki er jafnframt ráðherra, eigi að hafa mikið álag á þingfararkaup sitt? Þetta er afskaplega einföld spurning og snýr auðvitað að því hvað hv. þm. ætlar að ganga langt í að styðja sinn ágæta formann, hv. þm. Steingrím J. Sigfússon, í þessu baráttumáli hans.