Frsm. meiri hluta allshn. (Bjarni Benediktsson) (andsvar):
Ég vil bæta því við í þessa umræðu að að sjálfsögðu eru forsætisráðherrar í ráðherratölunni og hafa þannig áhrif á þann lið að hluta til.
Það sem mér heyrist þingmaðurinn vera að óska eftir er að farið verði út í það að meta dánarlíkur þeirra forsætisráðherra, fyrrverandi og núverandi, sem ekki hafa tekið ellilífeyri nú þegar. Ég skil ekki hvernig það ætti mögulega að geta gagnast okkur sérstaklega í umræðunni um þetta frv. eins og það liggur fyrir. (Gripið fram í: Eigum við að kalla inn ...?)