![](http://www.althingi.is/myndir/althlit.gif)
Gunnar Örlygsson (andsvar):
Herra forseti. Þetta mál var ekki rætt efnislega í þingflokki Frjálsl. Það hef ég tekið fram áður. Það sem skiptir máli í þessu varðandi trúverðugleika stjórnmálamanna og þingmanna almennt er ekki það sem Kristinn H. Gunnarsson er að tala um í þessu tilliti, þ.e. hvernig störf þingflokks Frjálsl. voru í þessu tiltekna máli heldur á að leggja það í dóm fólks, bæði hér inni og allrar þjóðarinnar, hvort menn séu með eða á móti þessu frv. Um það snýst trúverðugleikinn í þessu máli, hv. þm. Kristinn H. Gunnarsson.