Hæstv. forseti. Ég þakka fjármálaráðherra fyrir svörin. Ég tel að ég hafi fengið litlar undirtektir við það efni í spurningunum sem ég lagði fram, hvort ástæða væri til að líta til stöðu ellilífeyrisþega að þessu leyti, þar sem hæstv. fjármálaráðherra taldi í raun og veru bæði dæmin sem ég nefndi, varðandi lágmarksbæturnar annars vegar og skerðingarregluna hins vegar, eðlileg. Ég er algerlega ósammála hæstv. fjármálaráðherra um að þessi staða sé ásættanleg í framtíðinni og ég hygg að stjórnarandstaðan sé að langmestu leyti sammála mér um að staða eldri borga í landinu er óásættanleg og svör ráðherra valda þess vegna vonbrigðum.